Хамзат Чимаевнинг асосий нишони - Камару Усман!

Асли чеченистонлик жангчи йил якунига қадар UFC чемпиони Камару Усманга қарши октагонга чиқмоқчилиши ва мавсумни дивизионнинг янги чемпиони сифатида якунламоқчи эканини яширмаяпти. Бу ҳақида "Борз" ўзининг "Инстаграм"даги саҳифасида маълум қилди. 

«2022 йил. ИнШаАллаҳ» – дея ўзининг Инстаграм саҳифасида қисқа хабар қолдирган Чимаев.

Нигериялик 34 ёшли Камару Усман 2021 йилда ўз камарини учта жангда ҳимоя қилди. У Гилберт Бернс ва Хорхе Масвидални нокаутга учратди, Колби Ковингтондан эса очколар ҳисобига кўра устун келди. Усман кейинги жангини рейтингнинг учинчи поғонасидан жой олиб турган британиялик Леон Эдвардсга қарши ўтказади. 

Швеция шарафини ҳимоя қилаётган 27 ёшли Хамзат Чимаев эса UFC промоушенида муддатидан олдин қозонилган тўртта ғалабали серияни давом эттирмоқда. Сўнгги жангида Ли Жинлиангни биринчи раунднинг ўзида бўғиш усулида таслим этганди. Хамзатнинг кейинги рақиби Нил Мэгни ёки Белал Муҳаммад бўлиши мумкин.