30 янв 07:23
Янгиликлар

Бокс/ММА

Хамзат Чимаевнинг қачон ва кимга қарши жанг қилиши маълум

Асли келиб чиқиши чеченистонлик 27 ёшли UFC жангчиси Хамзат Чимаевнинг навбатдаги жанги ҳақида маълумот берилди.

Унга кўра, Xамзат 9 апрель куни бразилиялик Гильберт Бернсга қарши октагонга кўтарилади. Ушбу тўқнашув UFC 273 кечаси доирасида бўлиб ўтади.

Эслатиб ўтамиз, UFC 273 кечасининг марказий жангида ярим енгил вазн тоифасида UFC камари соҳиби Алекс Волкановски «Кореялик Зомби» номи билан машҳурликка эришган Чон Чхан Сонга қарши октагонга чиқади.

Маълумот учун, Хамзат сўнгги жангини UFC 267 турнири доирасида хитойлик Ли Жианлинга қарши ўтказиб, рақибини биринчи раунднинг тўртинчи дақиқасида бўғиш усули билан мағлуб этганди. Чимаев UFC'даги тўртта жангида бор йўғи икки маротаба зарба ўтказиб юборган.

Бернс эса сўнгги жангини ўтган йилнинг июль ойида Стивен Томпсонга қарши ўтказиб, очколар ҳисобига кўра ғалаба қозонган эди.