02 июн 11:36
Янгиликлар
Бокс/ММА
Хирн Хэйни - Лопес бирлаштирувчи жангини ташкил қилишга тайёр
Енгил вазн тоифасида WBC чемпиони Дэвин Хэйнининг промоутери Эдди Хирн ўз мижозининг WBА, IBF ва WBО йўналишлари чемпиони Теофимо Лопес билан бирлаштирувчи жанг ўтказишга тайёрлигини маълум қилди.
"Менимча, Хэйни ўзини жаҳон элитаси даражасидаги жангчи эканлигини кўрсатди. У Теофимо, Жервонта ва Райан Гарсияни мағлуб эта оладими? Бунга ишонаман, лекин кутамиз. Теофимо Камбососдан кейин Хэйни билан жанг қилишни хоҳлашини жуда қатъий айтди ва биз ҳам бу жанг ўтказилиши тарафдоримиз. Келинг, буни амалга оширишга уриниб кўрамиз.
Буни амалга оширишнинг кўплаб усуллари бор. Бизнинг пулимиз бор. Мен буни уддалай олишимизга ишонаман. Агар бу Дэвин учун имконият бўлса, биз ундан фойдаланишимиз керак. Бу жанг бўлмаслиги учун ҳеч қандай сабаб кўрмаяпман", - дея Хирннинг сўзларини келтиради Boxingnews24.
Ҳавола :
Манба : Boxingnews24
Фикрлар