Холанд “Ман Сити”да, ЕЧЛда рекордлар қўйди ва Месси ҳамда Луис Адрианонинг натижаларини такрорлади

1. Норвегиялик мусобақада пента-трикка эришган учинчи футболчига айланди. Аввалроқ, бунга Лионель Месси (“Барселона” – “Байер” 7:1) ҳамда Луис Адриано (“Шахтёр” – БАТЭ 7:0) эришганди.

2. Бундан ташқари, Холанд илк йилидаёқ “шаҳарликлар” таркибида мавсум давомида энг кўп гол урган футболчига айланди. У 36 баҳсда 39 та тўп киритди ва 94 йил олдин Томми Жонсон томонида қайд этилган клуб рекордини янгилади.

3-4. Шунингдек, у ЕЧЛда 30 та голни энг тез урган футболчи бўлди ҳамда бундай натижага эришган энг ёш ўйинчи сифатида яна бир рекордни янгилади – 22 ёш-у, 236 кунлик.

5. Холанд ЕЧЛда энг тезкор пента-трикка муаллифлик қилди. Бунинг учун унга 57 дақиқада кифоя қилди. Адриано 82, Месси 84 дақиқада ичида бешта гол урганди.

Эслатиб ўтамиз, “Ман Сити” форварди жорий мавсум ЕЧЛда 10 та гол уриб, тўпурарга айланиб олди.