Холифилд Тайсон билан жанг имкониятлари ҳақида гапирди

"50 ёшли ҳар қандай боксчи билан жанг қилишим мумкин, унинг ким бўлиши аҳамиятсиз. Агар сиз 50 ёшдан ошган бўлсангиз, мени мағлуб эта олмайсиз. 

Биз Риддик Боу билан бирга кўргазмали жанг ўтказмоқчи эди, чунки биз дўстмиз. Лекин, ҳозир унинг аҳволи оғир. 

Агар бу Майк Тайсон бўлса яхши. Улар менга кўпроқ пул тўлашлари керак бўлади. Тайсон яна қулоғимни тишлаб олиши мумкинлигидан қўрқмайманми? Йўқ йўқ. Ўшанда нима учун бундай қилганини тушунаман, ҳозир бундай муаммо йўқ. У ўзини ҳимоя қилишга уринганди ва юрагида муаммолар бор боксчига яна ютқазаётганини тушуниб қолганди. Ўшанда у ўзига "Агар у мени мағлуб этса менинг обрўимга зарар етказади, лекин мен ҳозир нимадир қилсам мен ҳақимда "У жинни!" дейишади", - деди Холифилд. 

Маълумот учун, Холифилд икки маротаба Тайсонга қарши жанг қилган ва уларнинг ҳар иккисида ҳам ғалаба қозонган. Боксчилар ўртасидаги иккинчи жангда (1997 йил) Тайсон Холифилднинг қулоғини тишлаб олганди.