Холлоуэй Махачевнинг икки вазн чемпионлигини шубҳа остига олди

"Нега бирданига иккита камаринг бор? Омма олдида мақтаниш учунми? Менимча, шунга ўхшайди. Гўёки икки карра чемпиондек кўринасан, лекин аслида ундай эмассан, чунки фақат битта камарни ҳимоя қиласан. Нега иккитасини ўзинг билан олиб юрибсан? Мен буни тушунмаяпман", — деди америкалик жангчи Kick платформасидаги жонли эфир вақтида.

Якшанба тонгида Ислам Махачев Филадельфияда бўлиб ўтган UFC 330 турнирининг асосий жангида Йен Мачадо Гэррини ҳакамларнинг якдил қарори билан мағлуб этиб, ярим ўрта вазн тоифасидаги UFC чемпионлик камарини илк бор муваффақиятли ҳимоя қилганди. Бунгача россиялик енгил вазнда тўрт марта чемпионлик камарини ҳимоя қилган ва Генри Сехудо, Даниэль Кормье, Жон Жонс ва Аманда Нуньес қаторига қўшилганди — номлари тилга олинган икки хил вазн тоифасида чемпионлик камарларини муваффақиятли ҳимоя қила олган UFC жангчиларидир.

Махачев енгил вазндаги чемпионлик унвонидан воз кечганидан сўнг, камар икки марта ўз эгасини ўзгартирди: аввалига вакант камар учун бўлган жангда Чарльз Оливейрани нокаутга учратган Илия Топурия чемпион бўлди, кейинроқ эса бирлаштирувчи жангда "Эл Матадор"ни сенсацион тарзда мағлуб этган Жастин Гэтжи чемпионлик камарига эга чиқди.