27 фев 12:15
Янгиликлар

Бокс/ММА, Олимпия ўйинлари

ХОҚ World Boxing'ни вақтинчалик тан олди, нималар маълум?

Теглар : ХОҚ World Boxing

Халқаро олимпия қўмитаси (ХОҚ) Ижроия кенгаши World Boxing ташкилотини Олимпия ҳаракати доирасидаги халқаро федерация сифатида вақтинчалик тан олишга қарор қилди.

"World Boxing билан боғлиқ вазиятни баҳолагандан сўнг, ушбу халқаро федерация жавоб берадиган тан олиш мезонлари орасида World Boxing'нинг:

спорт мезонлари бўйича:

— беш қитъадан 78 та миллий федерацияларни бирлаштиргани ва тўртта қитъа конфедерацияси тузилгани;

— 2024 йилги Париж Олимпиадаси ўйинларида қатнашган боксчиларнинг 62 фоизи ва совриндорларининг 58 фоизи World Boxing аъзоси бўлган миллий федерацияларга тегишли эканлигига далил келтиргани;

— Париж Олимпиадаси ўйинларида, хусусан, Париж бокс комиссиясининг мустақил назорати остида қўлланилган мусобақанинг ҳалоллик жараёнини қўллаши;

— AIMC'га аъзо бўлгани юқори аҳамиятга эга.

Ташкилотнинг ХОҚ томонидан тан олиниши бокснинг Лос-Анжелес-2028 Олимпиадаси дастурига киритилишида муҳим роль ўйнайди. Ўзбекистон бокс федерацияси ҳам аввалроқ, World Boxing таркибига қўшилган эди.