Хорижий инвестор "Пахтакор"нинг 80% акциясини сотиб олди

Бу ҳақда Podrobno.uz нашри хабар бермоқда. Акцияларнинг бошқарув пакетини хорижий инвесторга сотиш қарори Ўзбекистон Республикаси президенти Шавкат Мирзиёев томонидан имзоланди.

Ҳужжатда кўрсатилган шартларга кўра, SFI Management Group инвестиция мажбуриятларини бажариш шарти билан акцияларни харид қилиш ҳуқуқини қўлга киритган. 5 йил давомида клуб инфратузилмасига камида 200 млрд. сўм сарфланиши керак.

Барча молиявий мажбуриятлар бажарилганидан сўнг устав фондидаги 80% улуш инвесторга ўтади.

"Пахтакор" янги раҳбариятининг режаларига кўра, клуб учун янги стадион қуриш ишлари ярим йилдан сўнг бошланади. Ҳозирги арена тўлиқ бузилиб, икки йил давомида унинг ўрнига 30 минг мухлисни сиғдира оладиган янги стадион қурилади.