Хoрхе Масвидаль UFC билан янги шартнома имзолади

Машҳур UFC жангчиси Хорхе Масвидаль промоушен билан янги шартнома имзолади. Бу ҳақда Хорхе ўзининг Тwиттерида маълум қилди. Иккала томон ўртасидаги келишув шартлари ошкор этилмаган.

"Болаларим бошқа ҳеч қачон оч қолмаслиги учун Ҳунтер Кемпбелл, Дана Уайт ва менинг жамоамга раҳмат" — деб ёзади Масвидаль.

Масвидалнинг агенти Малки Кава ҳам янги шартнома ҳақида гапириб, унинг мижози ҳозирда энг кўп маош олувчи UFC жангчилари учлигидан жой олганини таъкидлади.

"Янги шартнома Хорхени UFC'да энг кўп маош оладиган жангчилар учлигига киритади. Бу унинг учун яхши келишув ", — деб ёзади Кава Тwиттердаги саҳифасида.

Эслатиб ўтамиз, Масвидаль навбатдаги жангни ҳамюрти Колби Ковингтонга қарши ўтказади. Жанг Тошкент вақти билан 6 март куни UFC 272 турнирида бўлиб ўтади.