09 фев 13:27
Янгиликлар

Теннис

Хуберт Гуркач бош совринни кўзламоқда

Франциянинг Марсель шаҳрида теннис бўйича ўтказилаётган ATP турнири ўзининг қизғин палласига кирди.

Дунёнинг саккизинчи ракеткаси Хуберт Гуркач мусобақанинг чорак финал иштирокчисига айланди. Ўтган ҳафта Тошкентда Польша терма жамоасига ғалаба тақдим этган Гуркач иккинчи даврада ATP рейтингида 56-поғонада бораётган қозоғистонлик Александр Шевченкони 6/1, 6/4 ҳисобларида мағлубиятга учратди.

Теннисчиларнинг ўзаро учрашувларидаги ҳисоб 2:0 кўринишига келди. Олтмиш етти дақиқа давом этган баҳсда Гуркач 13, Шевченко 3 та эйс зарбасини амалга оширган. Брейклар сони 5 га 2 кўринишида Хуберт фойдасига бўлди. Энди у 1/2 финал чиптаси учун чехиялик Томаш Махачга қарши кортга чиқади.