Яккабоғда “Амир Темур издошлари” марафони ўтказилди

Унда 14 ёшдан 30 ёшгача бўлган иштирокчилар “Воҳа текс” заводидан пахта тозалаш заводигача бўлган масофани босиб ўтишди.

Ушбу марафон “Биз соғлом турмуш тарзи тарафдоримиз” шиори остида 4000 дан ортиқ аҳолини бирлаштирди. Якуний натижаларга кўра ўғил болалар ўртасида 1-ўринни Достон Рўзиев эгаллаган бўлса, 2-ўрин Раҳмонов Бекзодга насиб этди. 3-ўринни эса Беҳруз Абдусатторов банд этди.

Қизлар ўртасида эса чаққонлиги билан Фароғат Нурмаматова 1-ўринни, Гулсевар Ўроқова 2-ўринни эгаллади. 3-ўринда маррага Шаҳло Ҳамидова етиб келди.

Шунингдек, энг ёш иштирокчилар ўртасида Аҳрор Азаматов, Элёр Норбобоев ва Баҳорой Назаровалар совриндор бўлган бўлсалар, катталар ўртасида Ориф Узоқов ҳамда Эшқобил Жўраевлар маррага биринчилардан бўлиб келишди.

Ғолиб ва совриндорлар туман ҳокимлиги, туман жисмоний тарбия ва спорт бўлими ҳамда Ёшлар иттифоқи туман кенгаши томонидан диплом ва эсдалик совғалари билан тақдирланди.