16 ноя 08:28
Янгиликлар

Теннис

Якуний АТР чемпионати. Надаль ғалаба билан бошлади

Буюк Британиянинг Лондон шаҳрида теннис бўйича Якуний АТР чемпионати старт олди.

Турнирнинг илк куни дунёнинг иккинчи ракеткаси Рафаэль Надаль рейтингнинг саккизинчи поғонасида бораётган россиялик Андрей Рублёвга қарши кортга чиқди. Бир соату 17 дақиқа давом этган баҳсда испаниялик афсона 6/3, 6/4 ҳисобларида ғалаба қозонди.

Учрашув давомида 23 ёшли Андрей 9 та, 34 яшар Рафаэль эса 2 та эйс зарбани амалга оширди. Надаль ўзаро учрашувлардаги ҳисобни оширди - 2:0.