Ямаль энди аввалгидек ўйнолмайдими?

Машҳур спорт шифокори Педро Руис Пироль Ямалнинг "Эл Класико"да яхши ўйнашига чов жароҳати тўсқинлик қилганини айтди. 

Шифокор "El Larguero" нашрига шундай деди. Риполнинг сўзларига кўра, агар тўғри даволанмаса, бу жароҳатдан тўлиқ тикланишга бир неча ой вақт кетади.

"Очиғини айтганда, бу жароҳатни даволаш мушкул. У ўйинчининг ҳаракатланиш ва зарба бериш қобилиятини деярли 50% га камайтирадиган оғриқ билан тавсифланади, биз буни "Эл Класико"да кўрдик. Футболчи дарвоза томон зарба бермайди, унга ҳаракатланиш қийин... Бу ўйинчига ўйинларда иштирок этишга имкон берадиган, аммо унинг энг яхши ўйин кўрсатишига тўсқинлик қиладиган ва унинг ўйинини сезиларли даражада пасайтирадиган оғриқ", – деди Риполь.

26 октябрь, якшанба куни "Барселона" "Эл Класико"да "Реал"га 1:2 ҳисобида ютқазди. Ямаль майдондаги энг ёмон ўйинчилардан бири бўлиб, спорт нашрлари томонидан паст баҳолар олди.