Ян ва Чимаев UFC White House турнири иштирокчилари бўлиши айтилди

Аввалроқ АҚШ президенти Дональд Трамп саккиз ёки тўққизта титул жанги бўлиши мумкинлигини айтган эди.

Турнир Вашингтондаги Оқ уй майдонида ўтказилиб, ММА тарихидаги энг рамзий воқеалардан бирига айланиши керак. UFC раҳбари Дана Уайт кард жуда юлдузли бўлишини айтган, аммо жангчиларнинг аниқ рўйхати февраль ойида шакллантирилади.

"Саккизта титул жанги жуда идеалистик ва ўта шижоатли ғоя, лекин менимча, биз олти ёки еттита тўлиқ чемпионлик жанги бўладиган йўналишга қараб кетяпмиз. 1 февралга қадар UFC 324 ва UFC 325 ўтиб бўлади. Барча чемпионлар бўш бўлади. Февралда рақамли турнирлар йўқ, март бошида эса BMF камари учун жанг бўлади — у ҳақиқий титул ҳисобланмайди. Кейин апрель ёки майда рақамли ивентлар, ундан сўнг 14 июнь — кўплаб чемпионлар тайёр бўлади.

Оғир вазндаги чемпионлик жанги Том Аспиналл — Сирил Ган ўртасида Оқ уй майдонида ўтказилади, деб ўйлайман. Жошуа Ван — Тацуро Тайра жанги йилнинг биринчи ёки иккинчи чорагида бўлиши мумкин. Хамзат Чимаев эса, эҳтимол, айнан Оқ уйда жанг қилади. Алекс Перейрани нима учун эрта ҳисобдан чиқаряпсиз? Унинг ўзи Оқ уйни кутмоқчи эканини айтган. Мераб Двалишвили ва Пётр Ян эҳтимол ўз трилогиясини шу ерда якунлайди", — деди Аник.