07 июл 08:04
Янгиликлар
Бокс/ММА
Яна бир ҳамюртимиз Octagon 47 турнирида жанг қилади, рақиб маълум!
Хабарингиз бор, 22 июль куни Қозоғистоннинг Олма-Ота шаҳрида ММА бўйича Octagon 47 турнири бўлиб ўтади.
Аввалроқ, мусобақа доирасида ўзбекистонлик Шоҳасан Мирзаматовнинг жанг қилиши ҳақида хабар берган эдик.
Кеча яна бир ҳамюртимизнинг ушбу турнирда жанг қилиши маълум бўлди. Ярим ўрта вазн тоифасида ўзбекистонлик аралаш яккакураш устаси Низомиддин Исроилов (3-3) Octagon 47 доирасида қозоғистонлик Нурбек Тажибаев (5-2)га қарши октагонга чиқади. Ушбу жанг 3 раунд этиб белгиланган.
Эслатиб ўтамиз, Низомиддин Исроилов сўнгги жангини 4 март куни Эраж Насриддиновга қарши ўтказиб, муддатидан олдин ғалаба қозонган эди. Нурбек Тажибаев эса охирги жангини ўтган йилнинг июль ойида Мажит Сардаровга қарши ўтказиб, мағлуб бўлганди.
Ҳавола :
Манба : olamsport.com
Фикрлар