14 дек 14:43
Янгиликлар

Теннис

Яна икки теннисчига Australian Open wild card чиптаси тақдим этилди

Йилнинг дастлабки "Катта Дубулға" турнири ҳисобланган Australian Open мусобақасининг имтиёзли йўлланмалари соҳиблари аниқланмоқда.

Бу сафар ташкилотчилар дунёнинг 109-ракеткаси бўлиб турган Диана Парри ҳамда ATP рейтинги да 137-поғонада бораётган Люк ван Ашга турнирнинг асосий тўрида тўғридан-тўғри қатнашиш ҳуқуқини берувчи wild card имтиёзли йўлланмасини тақдим этишди.

Таъкидлаш жоиз, 20 ёшли Парри "Катта Дубулға" туркумига кирувчи турнирларнинг асосий тўрида тўққизинчи бор кортга чиқади. Энг яхши натижаси шу йил "Ролан Гаррос" ва "Уимблдон" турнирларида учинчи даврага етиб келгани бўлган. 18 ёшли Аш эса фаолиятида илк бор асосий тўрда ўйнайди.