15 ноя 07:22
Янгиликлар

Бокс/ММА

Яндиевдан калтак еган Харитонов юзини кўрсатди + ФОТО

Интернет тармоқларида Сергей Харитоновнинг собиқ UFC жангчиси Адам Яндиев билан муштлашувидан кейинги сурати пайдо бўлди.

Воқеа 13 ноябрь куни кечқурун Москвада содир бўлганди. Россиялик Bellator жангчиси Сергей Харитонов ҳамюрти, собиқ UFC жангчиси Адам Яндиев билан муштлашиб кетганди. Кутилмаганда юз қисмига қабул қилиб олган зарбаларидан кейин Харитоновни касалхонага ётқизишганди.

Шифокорлар жабрланувчига бурун синини, мия чайқалиши каби ташҳисларни қўйишган. Суратдан кўриниб турибдики, Сергейнинг кўзи ҳам абгор ҳолатга келган. Харитонов адвокатининг айтишича, Сергейнинг ҳозирги ҳолати яхши эмас. Полиция Яндиевни хибсга олган. Душанба, 16 ноябрь куни Харитонов жарроҳлик столига ётади.