17 фев 17:27
Янгиликлар

Теннис

Янник Синнер Роттердамда бош совринни кўзламоқда

Дунёнинг тўртинчи ракеткаси Янник Синнер Нидерландиянинг Роттердам шаҳрида ўтказилаётган ATP турнири ярим финалига чиқди.

Италиялик теннисчи ABN AMRO Open турнири 1/4 финалида ATP рейтингида 309-поғонага тушиб кетган канадалик Милошем Раоничдан устун келди. Биринчи сетни 6/7(4) ҳисобида бой берган Милош иккинчи сетнинг иккинчи (1/1) геймидан сўнг курашни давом эттира олмаслигини маълум қилди.

Бу теннисчиларнинг ўзаро ўтказган илк учрашуви эди. Олтмиш беш дақиқа давом этган баҳсда Синнер 3, Раонич 11 та эйс зарбасини амалга оширган. Иккала теннисчи ҳам якунига етмай қолган баҳсда қўшхатога йўл қўйишмади ҳамда биттадан брейкни амалга оширишди. Бугун Синнер финал чиптаси учун нидерландиялик Таллон Грикспурга қарши кортга чиқади.