Яхши янгилик! Вердум - Емельяненко реванш жанги тасдиқланди

Бу ҳақида собиқ UFC ва Bellator промоушенлари чемпиони Вандерлей Силва шўининг Инстаграм саҳифасида хабар берди. 

Маълумотда айтилишича, Емельяненко - Вердум жанги 21 ноябрь куни бокс афсонаси Майк Тайсоннинг ранчоси, яъни дала ҳовлисида бўлиб ўтади. Ушбу оқшом доирасида Тито Ортис - Рашад Эванс, Витор Белфорт - Вандерлей Силва жуфтликлари ўртасидаги жанглар ҳам ўтказилади.

Маълумот учун, 43 ёшли Вердум 2002 йилдан бери MMA жангларида иштирок этиб келмоқда. У сўнгги бор 2020 йилнинг июль ойида Александер Густафссонни мағлубиятга учратган эди. Унинг ҳисобида 24 ғалаба, 9 мағлубият ва битта дуранг бор. 

43 ёшли Емельяненко эса 2000 йилдан то шу кунгача октагонда. Унинг сўнгги жанги 2019 йилнинг декабрь ойида америкалик Куинтон Жексонга қарши бўлиб ўтган. Россиялик фаолияти давомида 39 ғалаба, 6 мағлубият қайд этган. Яна битта жанги ўтказилмаган деб топилган.