"Йиртган бўларди" — Дана Уайт Муҳаммад Али ва Жон Жонс ўртасидаги жангда ким ғалаба қозониши ҳақида

"Жон Жонс унга яқинлашиб, ушлаб олиб, шунчаки парчалаб ташлаган бўларди. Ҳа, айнан шундай бўларди уларнинг эҳтимолий жанг сценарийси", - дея Уайтнинг сўзларини келтиради Bloody Elbow портали.

Маълумот учун, Жонс 2008 йилдан 2024 йилгача давом этган ММАдаги профессионал фаолияти давомида 28 ғалаба, битта мағлубият қайд этган. Унинг иштирокидаги битта жанг ўтказилмаган дея топилган. Спортчи кўплаб таҳлилчилар ва спортчилар томонидан аралаш яккакурашлар тарихидаги энг буюк жангчи сифатида тан олинган.

Муҳаммад Али эса 1960 йилги Олимпия ўйинларининг ярим оғир вазн тоифасидаги чемпиони, супероғир вазнда икки карра мутлақ жаҳон чемпиони ҳисобланади. Али ўз рекордида 56 ғалаба ва 5 та мағлубиятга эга. Кўплаб спортчилар ва таҳлилчилар томонидан у тарихдаги энг буюк боксчи сифатида эътироф этилган.