28 сен 08:16
Янгиликлар

Бокс/ММА

Забит октагонга қайтмоқда + ФОТО

Тез орада россиялик UFC жангчиси Забит Магомедшарипов фаолиятини қайта тиклайди.

Бу ҳақида унинг мураббийи Марк Генри хабар берди.

"Ярим енгил вазн тоифасида энг яхши UFC жангчиси За-Бист! У қайтди", — дея ўзининг Инстаграм саҳифасида сурат ва унинг остида изоҳ қолдирган Генри.

Эслатиб ўтамиз, аввалроқ Забит Магомедшарипов расман UFC рейтингидан чиқарилган эди. Бунга унинг узоқ муддат давомида жанг ўтказмагани сабаб бўлганди. Забит ўзининг охирги жангини 2019 йилнинг ноябрь ойида Москва шаҳрида Келвин Каттарга қарши ўтказиб, очколар ҳисобига кўра ғалаба қозонганди. 30 ёшли Магомедшарипов ҳисобида 18 ғалаба ва 1 мағлубият бор.