Заза Силагадзени табриклаймиз!

Грузиялик мутахассис мана икки йилдирки, Ўзбекистон терма жамоаси мураббийлар штабида самарали меҳнат қилиб келмоқда. Фикримизни классикларимизнинг халқаро мусобақаларда кўрсатаётган натижалари ҳам тасдиқлайди. 

Терма жамоамиз Осиё чемпионатларида доимий равишда кучли учликдан жой олади. Ўтган йили Қозоғистоннинг Нур-Султан шаҳрида ўтказилган жаҳон чемпионатида эса юнон-рим курашчиларимиз умумжамоа ҳисобида 200 дан зиёд давлат орасида иккинчи ўринни банд этишганди. Шу билан бирга Токио Олимпиадасига учта йўлланма ҳам қўлга киритилган эди. 

Фурсатдан фойдаланиб, Ўзбекистон спорт курашлари ассоциацияси раҳбарияти, мураббийлар, курашчилар Заза Силагадзени бугунги унутилмас кун билан муборакбод этади. Унинг терма жамоадаги самарали фаолияти учун миннатдорлик изҳор қилади.