Зверев Галледаги иштирокини ғалаба билан бошлади

Германиялик теннисчи Noventi Open турнирининг илк даврасида голландиялик Робин Хаасга қарши кортга чиқди. Бир соату 45 дақиқа давом этган баҳсда 22 ёшли Зверев рейтингнинг 66-поғонасидан жой олган рақиби устидан 6/4, 7/5 ҳисобида зафар қучди.

Зверев ўзаро учрашувлардаги ҳисобни йириклаштирди - 4:2. Энди германиялик теннисчи Noventi Open мусобақасининг иккинчи даврасида америкалик Стив Жонсонга қарши кортга чиқади. Стив германиялик Филипп Кольшрайберни 6/3, 6/3 ҳисобида енгди.