10 май 10:39
Янгиликлар

Теннис

Зверев Гуркачга чиқиш эшикларини кўрсатиб қўйди

Испания пойитахти Мадрид шаҳрида ўтказилаётган "Мастерс" сериясига кирувчи нуфузли турнир ўзининг қизғин палласига кирди.

Дунёнинг тўртинчи ракеткаси бўлиб турган Александр Зверев учинчи давра учрашувида ҳам ғалабага эришди. Германиялик теннисчи Mutua Madrid Open турнирининг учинчи даврасида польшалик Хуберт Гуркачга қарши баҳс олиб борди.

Гуркач рейтингнинг 52-поғонасидан жой олган бўлиб, мавсумни кўтаринки кайфиятда ўтказмоқда. Икки соату 9 дақиқа давом этган учрашувда Зверев рақибини 3/6, 6/4, 6/4 ҳисобида енгди. Сашанинг чорак финалдаги рақиби грециялик Стефанос Циципас бўлади.