Зверев "Ролан Гаррос" 1/8 финалида 255 дақиқалик учрашув ўтказди

Дунёнинг тўртинчи ракеткаси Александр Зверев нимчорак финалда ATP рейтингининг 13-поғонасидан жой олган даниялик Хольгер Рунега қарши кортга чиқди. Тўрт соату 15 дақиқа давом этган баҳсда германиялик теннисчи рақибини 4/6, 6/1, 5/7, 7/6(2), 6/2 ҳисобларида мағлуб этишни уддалади. .

Бу билан Зверев теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1. Александр баҳс давомида 16, Хольгер эса 10 та эйс зарбасини амалга оширган. Қўшхатолар иккала теннисчида ҳам бир хил - 3 тани ташкил қилди. Брейклар бўйича устунлик Зверев томонида бўлди - 8 га 6! Энди олмон теннисчиси 1/4 финалда австралиялик Алекс де Минаурга қарши баҳс олиб боради.