Зверев US Open 1/4 финалига чиқди

Дунёнинг еттинчи ракеткаси Александр Зверев мусобақанинг нимчорак финал учрашувида ATP рейтингининг 99-поғонасидан жой олган испаниялик Алехандро Давидович Фокинани ортиқча қийинчиликсиз мағлубиятга учратди - 6/2, 6/2, 6/1. 

Бу теннисчиларнинг илк учрашуви эди. Бир соату 34 дақиқа давом этган баҳсда 23 ёшли Зверев 18 та эйс зарбасини амалга оширди. Энди у чорак финал учрашувида австралиялик Жордан Томпсондан устун келган хорватиялик Борна Чоричга қарши кортга чиқади.