Зверев Венадаги юришини бошлади, бу унинг мавсумдаги 50-ғалабаси бўлди!

Дунёнинг 10-ракеткаси Александр Зверев мусобақадаги иштирокини ғалаба билан бошлади. Германиялик теннисчи илк даврада ATP рейтингида 44-поғонада бораётган мезбонлар вакили Себастьян Офнерни ортиқча қийинчиликсиз мағлубиятга учратди - 6/4, 6/1.

Теннисчиларнинг ўзаро учрашувларидаги ҳисоб йириклашди - 3:0. Етмиш етти дақиқа давом этган баҳсда Зверев 4, Офнер 5 та эйс зарбасини амалга оширди. Брейклар бўйича мутлақ устунлик олмон теннисчиси томонда бўлди - 4 га 0. Зверев мавсумдаги юбилей 50-ғалабасини тантана қилди.