04 май 07:31
Янгиликлар

Теннис

Зверевнинг ўз ватанидаги кутилмаган мағлубияти

Германиянинг Мюнхен шаҳрида теннис бўйича ушбу ҳафтага белгиланган нуфузли ATP турнири давом этмоқда.

Дунёнинг учинчи ракеткаси Александр Зверев 1/4 финал босқичида мағлубият аламини тотиб кўрди. Германиялик теннис юлдузи 2 соату 11 дақиқа давом этган учрашувда чилилик Кристиан Гаринга имкониятни бой берди - 4/6, 7/5, 5/7.

Баҳс давомида 22 ёшли Александр 14, рейтингнинг 47-поғонасидан жой олган Гарин эса 2 та эйс зарбасини амалга оширди. Бу теннисчиларнинг ўзаро илк расмий учрашуви эди. Энди чилилик теннисчи BMW Open турнирининг ярим финалида италиялик Марко Чеккинатога қарши кортга чиқади.