ISU figurali uchish bo'yicha yoshlar o'rtasidagi gran-pri uchun O'zbekistonga to'rtta yo'nalishda jami 9 ta yo'llanma ajratdi

Unga ko'ra, O'zbekiston figurali uchish terma jamoasi uchun barcha to'rt yo'nalish — yigitlar, qizlar, juftlik hamda raqs duetida yo'llanmalar ajratdi.

Yigitlar hamda qizlar o'rtasidagi bellashuvlarda vakillarimiz Turkiya (27-30 avgust) hamda Ozarbayjondagi (24-27 sentyabr) gran-pri bosqichlarida ishtirok etishadi.

Juftlik yo'nalishida esa Latviya (20-23 avgust), Turkiya (27-30 avgust) va Tailanddagi (9-13 sentyabr) bosqichlarda chiqish qilamiz. Raqs dueti bo'yicha figurali uchuvchilarimiz ham Turkiya (27-30 avgust) hamda Ozarbayjondagi (24-27 sentyabr) gran-pri bosqichlarida bahs olib borishadi.

Hozircha O'zbekiston MOQ yoki mavjud bo'lmagan O'zbekiston qishki sport turlari assosiaciyasi matbuot xizmati musobaqalarda yurtimiz sharafini himoya qilishi mumkin bo'lgan sportchilar haqida malumot berganicha yo'q.