Pekin-2022 qishki Olimpiya o'yinlari startiga 49 kun qoldi

Ayni paytda o'zbekistonlik sportchilarning Pekin-2022 qishki Olimpiya o'yinlariga tayyorgarligi qizg'in davom etmoqda.

Takidlash joiz, shu kunlarda Rossiyada (Abzakovo va Magnitogorsk chang'i markazlarida) tog' chang'isi bo'yicha saralash musobaqalari o'tkazilmoqda. SHuningdek, ushbu oy oxirida vakillarimiz Eronda yana bir turnirda qatnashishi ko'zda tutilgan.

Pekin-2022 yo'llanmalarni qo'lga kiritishga tog' chang'isi bo'yicha terma jamoamiz vakillari Komiljon To'xtaev va Valeriya Kovaleva asosiy davogar bo'lib turishibdi. Arman Gayupov va Rano Raimqulova ularga zaxira sifatida tayyorlanishmoqda. Qayd etish joiz, Xalqaro chang'ichilar federaciyasi saytida Komiljon To'xtaev licenzion hududda qayd etilgan. Yakuniy licenziatlar kelasi yilning 17 yanvar kuni rasman elon qilinadi. 

Reglamentga ko'ra, mazkur yo'nalishda O'zbekiston terma jamoasi 2 ta yo'llanma (1 erkak va 1 ayol) qo'lga kiritishi mumkin. Hozirda ayollar toifasidagi kvota uchun jiddiy kurash olib borilmoqda.

O'zbekiston chang'i sport turlari federaciyasi tomonidan ishlab chiqilgan va Turizm va sport vazirligi, O'zbekiston Milliy Olimpiya tomonidan tasdiqlangan tezkor reja asosida sportchilarimiz bo'lajak startlarga tayyorgarlik olib borishmoqda. Vakillarimiz Rossiya, Eron va Evropa mamlakatlarida o'quv-mashg'ulot yig'inlari hamda musobaqalarda ishtirok etishadi. Mazkur tadbirlarda bugungi epidemiologik vaziyatdan kelib chiqqan holda barcha qoidalarga rioya qilinmoqda va xavfsizlik choralari taminlangan.

Sportchilarimiz bo'lajak Olimpiya o'yinlariga tog' chang'isining slalom va gigant slalom yo'nalishlarida tayyogarlik ko'rishmoqda.