Pekin-2022. Supergigantda g'olib va sovrindorlar malum

Biroz avval ayollar o'rtasidagi tog' chang'isining supergigant yo'nalishida g'olib va sovrindorlar nomi malum bo'ldi. SHveycariyalik Lara Gut-Bexrami eng yaxshi natija bilan Olimpiada chempioniga aylandi. 

Gut-Bexrami belgilangan masofani bosib o'tish uchun 1 daqiqayu 13,51 soniya vaqt sarfladi. Avstriyalik Miryam Puxner (g'olibaga +0,22 soniya yutqazdi) kumush medalni qo'lga kiritgan bo'lsa, yana bir SHveycariya terma jamoasi azosi Mishel Gizen (+0,30) bronza medaliga ega chiqdi.

Rossiya terma jamoasining supergigant musobaqasida ishtirok etgan yagona vakilasi Yuliya Pleshkova chempionga 1,75 soniya yutqazib, 18-o'rin bilan kifoyalandi. "Yancin Alpin Skiing" stadionida o'tgan supergigant bahslarida jami 44 sportchi ishtirok etdi. Ulardan ikki nafari finishga etib kela olmadi.