Qishki olimpiya o'yinlari tarixidan qiziqarli faktlar

2014 yilgacha chang'ichi Byorn Erlend Deli multimedalchilar orasida 8 ta oltin va 4 ta kumush medallari bilan etakchilik qilgan bo'lsa, Sochi-2014da Ule-Eynar Byorndalen (8-4-1), Pxyonchxan-2018 da esa Marit Byorgen (8-4-4) ushbu rekordni yangilashga muvaffaq bo'lishgan.

• Norvegiyaliklar 2014 yilga qadar o'tkazilgan barcha qishki Olimpiada o'yinlarida 303 ta medalni qo'lga kiritib (107 ta oltin), qishki Olimpiada tarixidagi eng muvaffaqiyatli mamlakat deb topilgan. Hozirda bu ko'rsatkich 132 ta oltin, 125 ta kumush va 111 ta bronza, jami 368 ta medalga etgan.

• Saraevo (Bosniya va Gercegovina)da bo'lib o'tgan qishki Olimpiya o'yinlarida (1984), figurali uchish bo'yicha sportchilar Kristofer Din va Jeyn Torvilllar bellashuv raqsiga Ravel Bolero musiqasini tanlab olishgan. Ularga berilgan vaqt standart bo'yicha 4 daqiqa 10 soniya bo'lib, katta hajmli kompoziciyani 4 daqiqa 28 soniyaga (18 soniya ko'p) qisqartirishga muvaffaq bo'lishgan. Yakunda ular figurali uchish standartini bajarib, oxirida ortiqcha 18 soniyani konki lezviyasini muzga tekkizmasdan raqsni tizzalarida bajarishgan. Natijada oltin medalni qo'lga kiritishgan.

• Kanada davlati 1988 yil qishki Olimpiya o'yinlariga mezbonlik qilgan bo'lsada, o'z yurtidagi ilk oltin medalni qo'lga kiritish Kalgarida nasib etmagan. Mezbonlarga birinchi bor Vankuverda (Kanada, 2010) o'tkazilgan Olimpiadada g'oliblik nasib etgan. Bunday g'alabaga fristaylning mogul yo'nalishi bo'yicha erkaklar o'rtasida Aleksandr Bilodo erishgan.

• Kanadalik sportchi Klara Xyuz o'zining mahorati bilan qishki va yozgi Olimpiada o'yinlarida ham ishtirok etib, ajoyib natijalarni qayd etgan. Qishki Olimpiya o'yinlarida 4 ta, shundan 1 ta oltin (konkida uchish sporti), shuningdek yozgi Olimpiadalarda 2 ta bronza (velosport) medalini qo'lga kiritib, Kanada davlati ramziga aylangan.