08 янв 12:05
Янгиликлар

Теннис

Ҳумоюн Султонов ўзи учун дебют Australian Open`дан қанча мукофот пули ва очко ишлаб олди?

Теглар : Ҳумоюн Султонов Australian Open

Шу кунларда Австралиянинг Мельбурн шаҳрида теннис бўйича "Катта Дубулға" туркумига кирувчи йилнинг тўртта мусобақасидан дастлабкиси давом этмоқда.

Ҳамюртимиз Ҳумоюн Султонов фаолиятида илк бор Australian Open турнирида иштирок этди. У мусобақанинг саралаш босқич илк даврасида рейтингда ўзидан деярли 100 поғона юқорида бораётган колумбиялик Даниэль Элахи Галанни мағлубиятга учратиб, иккинчи босқичда жароҳат сабаб ютиб турган учрашувини бой бериб қўйганди.

Шунга қарамай, Ҳумоюн Австралия Очиқ чемпионатидаги иштирокидан қимматли 8 рейтинг очкоси ҳамда 30 минг 380 АҚШ доллари миқдорида мукофот пули ишлаб олди. Султонов Australian Open турнири якунлари бўйича янгиланадиган ATP рейтингида Топ-200`га кириб олиши мумкин.