04 апр 08:13
Янгиликлар

Бокс/ММА

41 ёшли "Кунф-фу қироли"га рақиб берилди + ПОСТЕР

Ярим ўрта вазн тоифаси вакили навбатдаги жангини Осиёда ўтказади.

Россиялик Муслим Салихов Макаода ўтказиладиган UFC турнирида октагонга қайтади. 30 май кунига белгиланган UFC Fight Night 277 турнирида у австралиялик Жейк Мэтьюзга қарши жанг ўтказади. Ушбу жанг расман ташкилотчилар томонидан эълон қилинди.

Маълумот учун, 41 ёшли "Кунф-фу қироли" ўтган йилнинг ноябрь ойида учта ғалабали сериясини барбод қилганди. Ўшанда рус жангчиси Урош Медичга биринчи раунднинг ўзида техник нокаут билан ютқазиб қўйган эди. Унгача Муслим Сантьяго Понзиниббиони ҳакамларнинг айри қарори билан мағлуб этган, Сонг Кинан ва Карлос Леални эса нокаутга учратганди.

Австралиялик 31 ёшли Жейк Мэтьюз ўтган йилнинг сентябрь ойида Нил Мэгнига бўғиш усули билан ютқазиб қўйганди.