46 ёшли америкалик эркак Хамзат Чимаевдан калтак еганини даъво қилмоқда

Америкалик блогер Рич Паттерсон UFC ўрта вазн чемпиони Хамзат Чимаевни Дубай аэропортида ҳужум қилганликда айблади.

"Мен эр, ота ва кўпчилик учун акаман. Саёҳат қилганимизда ҳеч ким унга ҳужум қилишларини кутмайди, айниқса мухлис сифатида ўзинг кузатиб келаётган инсонга одоб билан яқинлашиб, салом беришга уринганда. Шу ой бошида тунги соат бир-иккилар атрофида, АҚШга ёлғиз қайтиб кетаётганимда, Дубай халқаро аэропортида Хамзат Чимаев менга ҳужум қилди. У ва яна етти-саккиз киши томонидан қуршаб олинган пайтимда, у ёриб ўтиб, кўксимга тепди. Бунинг барчаси кузатув камераларида ёзиб олинган. Эрта тонг бўлишидан қатъи назар, UFC’нинг қай даражада “профессионал” жангчиси маст ҳолатида бўлишидан қатъи назар, ҳеч ким бундай муносабатга лойиқ эмас. Мен 46 ёшдаман, АҚШ Ҳарбий-ҳаво кучлари фахрийсиман. Унинг ёввойи қилиқлари ҳақидаги гап-сўзлар — рост. У мени ҳушдан кетказмоқчи бўлди", — деб ёзди Паттерсон ижтимоий тармоқдаги саҳифасида.