Бобоусмон Батуров: Ўзбекистон бокси дунёда ҳозирги вақтда биринчи ўринда

“Карантин сабабли анча вақт давомида рингга кўтарилмагандик. Шу сабабли биринчи жанглардан қийинчилик бўлди. Ўзбекистон чемпионатида ёшларга қарши ҳаракат қилдим, уларнинг ҳар биттаси бу мусобақага жиддий равишда тайёргарлик кўришган. Ўзбекистон боксчи дунёда ҳозирги вақтда биринчи ўринда ва ҳозирги ёшларни жангларини кўриб яқин орада биздан бу биринчи ўрини ҳеч ким ола олмайди деб ўйлайман.

 Спортчи бир йилда икки марта зўр спорт формада бўлади. Бу чемпионатга ўзимни энг кучли ҳолатимда етиб кела олмадим. Шу сабабли ҳам рақибларим менга жуда жиддий қаршилик кўрсатишди. Хаттоки жанглардан бирида кўзимдан жароҳат ҳам олдим. Бундай мусобақалар орқали биз жаҳон ареналаридаги жанглар учун яхши тайёргарлик кўришимиз мумкин. 

Келаси йили бўлиб ўтадиган Олимпия ўйинларида олтин медаль олиб ватанимиз байроғини баландларга кўтармоқчиман”,-деди Бобоусмон Батуров.