Қиличбозларимиз Қозоғистондаги турнирда муваффақиятли иштирок этдилар

Ушбу мусобақада иштирок этган спортчи йигитларимиз совриндор ўринларнинг уччаласини ҳам банд қила олишди. Биринчи ўринни Чирчиқ олимпия захиралари спорт коллежи тарбияланувчиси Жалолиддин Душамбоев қўлга киритган бўлса, иккинчи ўрин Тошкент шаҳри вакили Бобир Расуловга насиб этди. Бронза медалини эса яна ЧОЗСК спортчиси Абдулазиз Бахтиёров қўлга киритди.

Таъкидлаб ўтиш лозимки, 2015 йилда Чирчиқда очилган қиличбозлик маркази қисқа вақт ичида маҳоратли спортчиларни тарбиялаб бермоқда.

Айнан ушбу спортчиларимиз 2018 йили Аргентинада бўлиб ўтадиган ўсмирлар олимпиадасида иштирок этиш имкониятига эга бўлишлари мумкин.

Қизлар ўртасидаги мусобақаларда эса Тошкент шаҳри вакили Севинч Исмоилова учинчи ўринни эгаллади.

80дан ортиқ йигит-қизлар иштирок этган турнирда Ўзбекистон делегацияси қуйидаги таркибда иштирок этди:

Душамбоев Жалолиддин

Бобир Расулов

Абдулазиз Бахтиёров

Севинч Исмоилова

Дайибекова Зайнаб

Шахноза Тогаймуродова

Мураббий - Нурали Носиров

Эртага жамоавий баҳслар ўтказилади.