ОМАДСИЗ КУН... ЖЧ-2022. Ўзбек дзюдочиларимизнинг бугунги иштироки якунланди

Мусобақа дастурига кўра, бугун эркаклар ўртасида -66 кг, аёллар ўртасида эса -52 кг вазн тоифасида медаллар учун кураш кечади. Унда уч нафар ҳамюртимиз баҳс олиб боради. 

Спортчиларимизнинг мусобақадаги натижаларини ушбу саҳифа орқали кузатиб боришингиз мумкин бўлади. 

САҲИФАНИ ЯНГИЛАШ

Бугун иштирок этган уч нафар спорчимизнинг ҳеч бири битта ҳам баҳсда ғалаба қозона олмади.

Ҳозиргина -52 кг вазн тоифасида ҳамюртимиз Диёра Келдиёрова Ларисса Пиментага қарши баҳс олиб борди ва мағлуб бўлди.

-52 вазн тоифасида Сита Қадамбоева португалиялик Ёана Диогога қарши гиламга чиқди ва иппон эвазига мағлуб бўлди. 

-66 кг вазнли Сардор илк жангда украиналик Богдан Ядовга қарши баҳс олиб борди ва Golden Score'да имкониятни бой бериб қўйди. 

Бироздан сўнг Сардор Нуриллаев иштирокини бошлайди. 

Вакилларимиз чемпионатни қуйидаги спортчиларга қарши бошлашади: 

-52 кг: Диёра Келдиёрова - Салимата Фофана (Кот д'Ивуар) / Ларисса Пимента (Бразилия) (3-босқич)

-52 кг: Сита Кадамбаева - Ёана Диого (Португалия) (2-босқич)

-66 кг: Сардор Нуриллаев - Богдан Ядов (Украина) (2-босқич)

Беллашувлар соат 10:30дан бошлаб "Ҳумо Арена"да старт олади. Ўзбек дзюдочиларининг иштироки эса тахминан 11:00дан сўнг бошланади.