Осиё ўйинларининг учинчи кунида ўзбекистонлик спортчилар 1 та олтин, 2 та кумуш ва 5 та бронза медалини қўлга киритишди

Кун давомида ўзбекистонлик спортчилар 1 та олтин, 2 та кумуш ва 5 та бронза медалини қўлга киритишди.

Совриндорларимиз рўйхати: 

Олтин:

Музаффарбек Тўрабоев (дзюдо)

Кумуш: 

Давлат Бобонов (дзюдо)

Жавоҳир Соҳибов, Мухтасар Тохирова (ўқ отиш)

Бронза:

Чарос Қаюмова (таэквондо)

Ирисхон Қурбонбоева (дзюдо)

Алишер Юсупов (дзюдо)

Дарья Латишева (ушу)

Зайнаб Дайибекова (қиличбозлик)

- - - - - - 

Ушбу саҳифа орқали бугунги кун доирасида иштирок этаётган спортчиларимизнинг натижаларидан онлайн равишда бохабар бўлиб боришингиз мумкин бўлди.

ЯНГИЛАШ

17:45. Шахмат. Нодирбек Абдусатторов мўғулистонлик рақиб билан дуранг ўйнади. Жавоҳир Синдаров эса эронлик рақибдан устун келди. 

Қизларимиздан Умида Омонова хитойлик рақибаси билан дуранг ўйнади. Нилуфар Якуббоева эса кореялик рақибасидан устун келди. 

17:17. Ушу. Жамшидбек Гулибоев филиппинлик Арнел Мандалга ютқазди.

16:15. Шахмат. Умида Омонова хитойлик рақибасини мағлуб этди. Нилуфар Якуббоева эса БАА вакиласига ютқазиб қўйди. 

15:56. Зайнаб Дайибекова ярим финалда кореялик рақибга 14:15 ҳисобида ютқазди. Эхххх. Озгина етишмади! Шу тариқа Зайнаб бронза медали билан кифояланди... БРОНЗА!

15:42. Зайнаб Дайибекова кореялик рақибга қарши ярим финални бошлади! "Спорт ТВ"да жонли эфир!

15:25. Нодирбек Абдусатторов ҳиндистонлик, Жавоҳир Синдаров эса хитойлик рақибга ютқазиб қўйди.

14:53. Спорт гимнастикаси. Асадбек Аъзамов 6, Равшан Комилжонов эса 8-ўринда якунлади. Баҳсларда 18 спортчи иштирок этганди.

14:50. Чим устида хоккей баҳсларида йигитларимиз Японияга 1:10 ҳисобида ютқазишди. 

14:42. Дзюдочимиз Алишер Юсупов япониялик рақибини иппон эвазига мағлуб этди ва бронза медалига эга чиқди!

14:13. ОЛТИНННН!!! Дзюдочи Музаффарбек Тўрабоев финалда мўғулистонлик рақибини мағлуб этди ва Осиё ўйинлари чемпионига айланди!

13:48. Ушу. Дарья Латишева Нанкуан&Нандао йўналишида бронза медалини қўлга киритди! БРОНЗА!

13:43. Нодирбек Абдусатторов хитойлик кучли рақиб - Йи Веини мағлуб этди ва медаль учун имкониятларни яхшилаб олди! Жавоҳир Синдаров эса тажрибали ҳинд - Аржун Эригаисидан устун келди. 

Қизларимиздан Умида Омонова сингапурлик рақибасини ютди. Нилуфар Якуббоева эса ҳиндистонлик Хумпи Конеруга имкониятни бой берди. 

13:40. Дзюдочимиз Ирисхон Қурбонбоева мўғулистонлик рақибасини иппон эвазига мағлуб этди ва бронза медалини қўлга киритди!

13:37. Сув полосида қизларимиз Жанубий Кореяни 18:8 ҳисобида мағлуб этишди!

13:33. Қиличбоз йигитларимиз ўз юришларини тўхтатишди. Жавоҳир Нурматов Қозоғистон, Файзулла Алимов эса Жанубий Корея вакилига ютқазди.

13:26. Давлат Бобонов финалда қирғизистонлик рақибга имкониятни бой бериб қўйди ва кумуш медаль билан кифояланди.. Эххх... Бизда КУМУШ!

13:05. Қиличбозлик. Жавоҳир Нурматов нимчорак финал беллашувида қозоғистонлик тажрибали Элмир Алимжановга 8:13 ҳисобида мағлубиятга учради ва мусобақани тарк этди.

12:43. Таэквондо. Чарос Қаюмова ярим финал жангини ўтказди. Хитой Тайпейи вакиласи Вей Чун Линга қарши кечган баҳсда ҳамюртимиз 0:2 ҳисобида имкониятни бой бериб қўйди. Шунга қарамай, Чарос Осиё ўйинларининг бронза медалини қўлга киритди!

12:34. Қиличбозлик. Жавоҳир Нурматов филиппинлик рақибини 15:13 ҳисобида таслим этди ва нимчорак финал масаласини ҳал қилди.

12:23. Қиличбозлик. Файзулла Алимов 1/16 финал доирасида қирғизистонлик Илим Бактибек Улууни 15:8 ҳисобида мағлубиятга учратди ва нимчорак финалга йўл олди. 

12:00. Абдумалик Халоков Хитой Тайпейи боксчисини ишончли тарзда 5:0 ҳисобида мағлуб этди ва кейинги босқичга йўл олди!

11:46. Таэквондочимиз Мадина Мирабзалова чорак финалда Хитой Тайпейи вакиласига 0:2 ҳисобида ютқазиб қўйди.

11:45. Таэквондо. Чарос Қаюмова филиппинлик рақибасини 2:1 ҳисобида мағлуб этди ва ярим финалга йўл олди!

11:14. Афсуски боксчимиз Азиза Зокирова таиландлик рақибасига имкониятни бой берди ва мусобақадаги иштирокини якунлади.

10:55. Давлат Бобонов ярим финалда мўғулистонлик рақибини иппон эвазига мағлуб этди ва финал йўлланмасини қўлга киритди!

10:25. Музаффарбек Тўрабоев Қозоғистон вакилини мағлуб этди ва Осиё ўйинлари финалига йўл олди!

10:19. Дзюдочимиз Ирисхон Қурбонбоева афсуски ярим финалда хитойлик рақибасига ютқазди. Энди у ҳам бронза учун курашади. 

10:00. Афсуски Рината Илматова ўтиш жангида қозоғистонлик рақибасига ютқазиб қўйди ва мусобақадаги иштирокини якунлади. 

9:44. Велоспорт. Трекнинг жамоавий баҳслари саралашида эркаклар терма жамоамиз 7 жамоа ичида 6-натижани қайд этишди. 

9:37. Алишер Юсупов ярим финалда БАА шарафини ҳимоя қилаётган Магомедомар Магомедомаровга имкониятни бой бериб қўйди. Энди у бронза медали учун курашади.

9:34. Дзюдочимиз Давлат Бобонов чорак финалда кореялик рақибини иппон эвазига мағлуб этди ва Осиё ўйинлари ярим финалига чиқди!

9:15. Ҳумоюн Султонов таиландлик рақибини 6:4, 6:2 ҳисобларида мағлуб этди ва чорак финалга йўл олди!

9:12. Велоспортчи қизларимиз жамоавий трек саралашида 6 жамоа ичида 5-натижани қайд этди.

9:00. Дзюдо. Рината Илматова чорак финалда кореялик рақибасига ютқазиб қўйди. Унда ҳали бронза медали учун имконият бор.

8:56. Ўқ отиш. Жавоҳир Соҳибов ва Мухтасар Тоҳирова аралаш баҳслар финалида мезбон Хитойга қарши беллашишди. Афсуски ушбу баҳсда мезбонларнинг қўли баланд келди. Бизда КУМУШ медаль! Ўқ отишдаги кумуш - кутганимиздан анча яхши!

8:53. Зайнаб Дайибекова чорак финалда хитойлик рақибасини 15:12 ҳисобида мағлубиятга учратди ва ярим финалга йўл олди!

8:44. Дзюдо. Ирисхон Қурбонбоева қозоғистонлик рақибасидан устун келди ва ярим финалга йўл олди.

8:32. Дзюдочимиз Алишер Юсупов қозоғистонлик рақибини мағлубиятга учратиб, ярим финалга йўл олди.

8:25. Икки нафар таэквондочимиз 11:00дан сўнг бошланадиган чорак финал баҳсларида жанг қилади:

-53 кг: Чарос Қаюмова - Жесика Канабал (Филиппин)

-57 кг: Мадина Мирабзалова - Чиа Линг Ло (Хитой Тайпейи)

8:22. Зайнаб Дайибекова бироздан сўнг чорак финалда хитойлик рақибасига қарши баҳс олиб боради.

8:18. Қиличбозлик. Паола Плиего асосий давранинг илк босқичидаёқ ютқазди. У кореялик рақибасига 14:15 ҳисобида имкониятни бой берди.

8:08. Таэквондо. Мадина Мирабзалова илк босқичда тожикистонлик рақибасидан устун келди.

8:02. Ҳумоюн Султонов таиландлик рақибга қарши баҳсда биринчи сетни ўз фойдасига ҳал қилди - 6:4.

7:58. Дзюдо. Давлат Бобонов ғалаба билан бошлади. У илк босқичда Баҳрайн шарафини ҳимоя қилаётган Сулим Мараевни иппон эвазига мағлуб этди.

7:50. Зайнаб Дайибекова япониялик рақибасини 15:12 ҳисобида мағлубиятга учратди!

7:44. Дзюдо. Рината Илматова непаллик рақибасини иппон эвазига мағлуб этди.

7:40. Таэквондо. Чарос Қаюмова гонконглик рақибасини 2:0 ҳисобида мағлуб этди ва кейинги босқичга чиқди.

7:38. Сузиш. 400 метрга комплекс сузиш баҳсларида Егорь Петряков саралашда 4:27.87 натижа кўрсатди ва ўз гуруҳида 8 спортчи ичида 6-ўринни эгаллади. У медаллар учун курашдан чиқди.

7:30.Теннисчимиз Ҳумоюн Султонов таиландлик рақибига қарши учрашувни бошлади.

7:23. Дзюдо. Ирисхон Қурбонбоева илк саралаш босқичида КХДР вакиласини иккита вазари эвазига мағлубиятга учратди

7:14. Таэквондо. Ниёз Пўлатов илк босқичдаёқ кореялик рақибга тўқнаш келди ва афсуски имкониятни бой бериб қўйди. Эхх... Омадсиз қуръа.

7:05. Қиличбозлик. Зайнаб япониялик, Паола эса кореялик рақибга қарши асосий даврани бошлайдиган бўлди. Қийин қуръа.

6:50. Қиличбозларимиз Зайнаб Дайибекова ва Паола Плиего мос равишда 10 ва 11-ўринни қўлга киритиб, асосий босқичга йўл олишди. 

6:45. Эътиборлиси, ўқ отувчиларимиз иккинчи натижа қайд этиб. финал йўлланмасини қўлга киритишган. Финалда рақибимиз Хитой бўлади. Баҳс олтин медаль учун кечади. Куннинг дастлабки медалларидан бири ўқ отувчиларимиздан бўлади. Буни олтин ёки кумуш бўлишини 8:35 да бошланадиган баҳс орқали билиб оламиз!

6:39. Қиличбозимиз Зайнаб Дайибекова ҳам саралашда 2 та ғалаба ва 2 та мағлубият қайд этди.

6:30. Ўқ отиш баҳсларида (аралаш жамоавий) Жавоҳир Соҳибов ва Мухтасар Тоҳирова 21 та жамоа ичида 2-натижани қайд этди ва финалга йўл олди!

6:19. Қиличбозлик. Паола Плиего саралаш баҳсларида 2 та ғалаба ва 2 та мағлубият қайд этди. 

Ассалому алайкум. Ўзбек спортчиларининг Осиё ўйинларидаги иштирокидан онлайнни бошлаймиз. 

- - - - - - 

26 сентябрда кун давомида қуйидаги спортчилар Ўзбекистон шарафини ҳимоя қилади:  

6:00. - Ўқ отиш. Аралаш жамоавий дастур, 10 метрга милтиқдан отиш, саралаш. Жавоҳир Соҳибов, Мухтасар Тоҳирова.

6:00. - Қиличбозлик. Аёллар, сабля, саралаш. Пауло Плиего - Шиҳоми Фукушима (Япония)

6:00. - Қиличбозлик. Аёллар, сабля, саралаш. Зайнаб Дайибекова - Роксана Хатун (Бангладеш)

07:00. - Теннис. Эркаклар, яккалик, 3-раунд. Ҳумоюн Султонов - Касидит Самрей (Таиланд)

7:00. - Таэквондо. Эркаклар, -63 кг, нимчорак финал. Ниёз Пўлатов - Ли Гибьём (Корея Республикаси)/Данг-Куанг Фам (Вьетнам) баҳси ғолибига қарши

07:00 дан сўнг. - Дзюдо. Аёллар, -78 кг, нимчорак финал. Ирисхон Қурбонбоева - Ким Кёнгран (Шимолий Корея)

07:00 дан сўнг. - Дзюдо. Аёллар, +78 кг, нимчорак финал. Рината Илматова - Аакрити Ёши (Непал)

07:00 дан сўнг. - Дзюдо. Эркаклар, -90 кг, нимчорак финал. Давлат Бобонов - Сулим Мараев (Баҳрайн)

07:00 дан сўнг. - Дзюдо. Эркаклар, -100 кг, чорак финал. Музаффарбек Тўрабоев - ТBD

07:00 дан сўнг. - Дзюдо. Эркаклар, +100 кг, чорак финал. Алишер Юсупов - TBD

7:10. - Ушу. Аёллар, нанқуан йўналиши финали. Дарья Латишева

07:15 дан сўнг. - Сузиш. Эркаклар, 400 метрга комплекс усулда сузиш. Егор Петрьяков

7:45. - Таэквондо. Аёллар, -53 кг, нимчорак финал. Чарос Қаюмова - Юен Тинг Со (Гонгконг)

7:45. - Велотрек. Аёллар, жамоавий. Нафосат Қозиева, Маргарита Мисюрина, Янина Кускова, Ольга Забелинская

8:35. - Велотрек. Эркаклар, жамоавий. Эдем Эминов, Алексей Фомовский, Дмитрий Бочаров, Данил Евдокимов

9:00. - Таэквондо. Аёллар, -57 кг, нимчорак финал. Мадина Мирабзалова - Муниса Ойматова (Тожикистон)

9:30. - Қиличбозлик. Эркаклар, шпага, саралаш. Файзулла Алимов - Мужадед Аван (Покистон)

9:30. - Қиличбозлик. Эркаклар, шпага, саралаш. Жавоҳирбек Нурматов - Чиннапат Чалоемчанен (Таиланд)

10:30. - Чим устида хоккей. А савати, 2-ўйин. Ўзбекистон - Япония

11:00. - Бокс. Аёллар, -75 кг, нимчорак финал. Азиза Зокирова - Байсон Манеекон (Таиланд)

11:45. - Бокс. Эркаклар, -57 кг, 1/16 финал. Абдумалик Халоков - Вей Ченг Ли (Хитой Тайпейи)

12:00. - Спорт гимнастикаси. Эркаклар, финал. Асадбек Азамов, Равшан Комилжонов.

12:00. - Сув полоси. Аёллар, робин раунди. Ўзбекистон - Корея Республикаси

12:00. - Шахмат. Индивидуал йўналиш, 5-6-7-тур. Нодирбек Абдусатторов, Жавоҳир Синдоров, Умида Омонова, Нилуфар Якуббоева

13:05. - Ушу. Аёллар, нандао йўналиши финали. Дарья Латишева

16:30 дан сўнг. - Ушу. Эркаклар, 56 кг, чорак финал. Жамшидбек Гулибоев - Арнель Мандал (Филиппин)

16:30 дан сўнг. - Ушу. Эркаклар, 70 кг, чорак финал. Муҳаммадали Йўлдошев - Ҳи Фенг (Хитой).