Абдумалик Халаков: «Ҳатто, онам билан гаплашолмаяпман»

«Мураббийларим берган кўрсатмаларнинг барчасини бажардим деб ўйлайман. Улар шошилмасдан мазза қилиб жанг ўтказ дейишганди. Чунки биринчи жангим. Ҳали бу билан ҳамма имкониятларимни кўрсатмадим. Ин Шаа Аллоҳ, жангдан-жангга очилиб бораверамиз. Дастлабки жанг ҳар доим қийин бўлади. Рингни, рақибни ҳис қилиш лозим. Бундан кейинги чиқишларимни янада ёрқинроқ бўлишига ҳаракат қиламан.

Мухлислар мендан жуда кўп нарса кутяпти. Буни ҳис қиляпман. Инстаграмдан ёзишади. Уларга жавоб бера олмаяпман. Ҳатто, онам билан гаплашолмаяпман. Ҳаёлим фақат чемпион бўлишда. Бу ерга бекорга келмадим. Насиб қилса, байроғимизни баланд кўтараман. Нафақат мен, балки акаларимиз, дўстларимиз, барчамиз шу вазифани бажариш учун келганмиз. Кўряпсиз, бир нечта ғалабалар бизга берилмади. Бу биз учун зарба. Ҳасанбой ака, Миразизбек акаларни кучлилиги учун чиқариб юборишди. Шунинг учун биз рақибларимиздан бир бош устун бўлиб ғалаба қозонишга ҳаракат қиламиз», - деди Абдумалик Халаков