Абдумалик Халаков жангдан сўнг нималар деди?

"Кайфиятлар жуда ҳам аъло. Ҳар бир жанг орқали ўзим учун синов деб биламан. Жаҳон чемпионатига жиддий тайёрландим. Тайёргарлигимда мураббийим ва отамнинг ўрни катта. Бутун Ўзбекистон халқи қўллаб турибди. 

Бугун Шаҳобиддин Зоировнинг жангидаги ҳакамликни кўрдингиз. Шу сабабли ҳам максимал даражада ҳакамларга иш қолдирмасликка ҳаракат қилдим. Худо хоҳласа россиялик боксчи билан рингга чиқаман. 

Аввал ҳам у билан тўқнаш келганмиз ва ғалаба қозонганман. Уни ўрганамиз, шунга қараб тактика қўллаймиз. Насиб қилса, кейинги босқичларда янада ёрқинроқ жанглар ўтказишга ҳаракат қиламан",-деди Халаков.