28 окт 15:33
Янгиликлар

Бокс/ММА

Абдураҳмон Фозиловнинг LFA Лигасидаги дебют жанги санаси ва манзили маълум (ПОСТЕР)

Ярим ўрта вазн тоифасида фаолият олиб борувчи ўзбекистонлик аралаш яккакураш устаси Абдураҳмон Фозилов АҚШнинг LFA Лигасида дебют қилади.

Ҳамюртимиз 21 ноябрь куни Америка Қўшма Штатларининг Нью-Йорк шаҳрида ташкил этиладиган LFA 223 турнирида октагонга чиқади.

Мусобақа доирасида Абдураҳмонга Озарбайжон вакили Фармон Ҳасанов рақиб бўлиши белгиланган. Жанг ярим ўрта вазн тоифасида ташкил этилади.

32 ёшли Абдураҳмон Фозилов фаолияти давомида 6 та жанг ўтказиб, барчасида ғолиб бўлган. 30 яшар Фармон Ҳасанов ҳисобида эса 3 та жангда қўлга киритилган 3 та ғалаба мавжуд.