20 авг 00:25
Янгиликлар
Спорт курашлари, Токио-2020
Абдураҳмонов Олимпиада чемпионини мағлуб этди, бронза учун кураш давом этади
Ҳамюртимиз Бекзод Абдураҳмонов Олимпиададаги илк баҳсида россиялик эркин курашчи Ануиар Гедуевга 5:10 ҳисобида имкониятни бой берганди.
Шунга қарамай, унинг рақиби финалга қадар етиб боргани учун Абдураҳмоновда бронза медали учун курашиш имконияти юзага келди. Қувонарлиси, Бекзод илк имкониятдан унумли фойдаланди. У америкалик рақиби Жордан Эрнест Барроузга қарши гиламга чиқиб, 11:1 ҳисобида зафар қучди.
Эътиборлиси, америкалик эркин курашчи Лондон-2012 Олимпиадаси ғолиби, яъни амалдаги олимпия ўйинлари чемпиони эди. Бу ҳали ҳаммаси эмас. Жордан уч карра жаҳон чемпиони, икки бор Жаҳон Кубоги соҳиби, яна шунча Пан-Америка ўйинлари ғолиби эди. Энди Бекзод Абдураҳмонов бронза медали учун гиламга чиқади. Унга омад тилаймиз.
Ҳавола :
Манба : olamsport.com
Фикрлар