26 фев 07:46
Янгиликлар
Теннис
Абдураимовадан камбэк, Омонмуродова мағлубият
Россия Федерацияси пойтахти Москва шаҳрида теннис бўйича “Фьючерс” туркумига кирувчи турнирнинг саралаш баҳслари давом этмоқда.
Соврин жамғармаси 25 000 АҚШ долларини ташкил қилувчи мусобақада икки ҳамюртимиз ҳам иштирок этяпти. Нигина Абдураимова ва Оқгул Омонмуродова рейтингдаги ўринларига кўра ўз иштирокларини саралаш баҳсларидан бошлашди.
Саралаш турнирининг олтинчи ракеткаси сифатида қайд этилган Нигина илк даврада беларуслик Светлана Пираженкага қарши кортга чиқди. Бир дақиқаси кам икки соат давом этган учрашувда Абдураимова иродали ғалабага эришди - 4:6, 7:5, тай-брекда 10:5.
Оқгул Омонмуродова эса илк саралаш баҳсидаёқ мағлубият аламини тотиб кўрди. Россиялик Варвара Грачевага қарши кортга чиққан вакиламиз рақибасига 5:7, 6:7(5) ҳисобида имкониятни бой бериб қўйди. Грачева саралашнинг еттинчи ракеткаси сифатида қайд этилганди.
Ҳавола :
Манба : olamsport.com
Фикрлар