13 дек 07:24
Янгиликлар

Бокс/ММА

ACA 115: Иван Штирков ва Мага Исмаилов тарозига чиқди, бугун жанг!

Бугун Москва шаҳрида аралаш яккакураш жанглари бўйича ACA 115 турнири бўлиб ўтади.

Оқшомнинг марказий жангида яримоғир вазн тоифасида россиялик спортчилар - Магомед Исмаилов ҳамда Иван Штирков ўзаро тўқнаш келишади. Кеча оқшом турнир қатнашчиларини анъанавий тарозидан ўтказиш маросими ташкил этилди.

Унда жангчилар белгиланган вазн меъёрини бажаришди. "Ураллик Халк" номи билан жанг ўтказиб келаётган Штирков 93.3 кг вазн қайд этди. Мага Исмоилов эса 92.9 кг тош босди. Андеркард жанг қатнашчилари ҳисобланган ўрта вазн вакиллари - Артём Фролов 83,9 кг, Магомедрасул Гасанов эса 84,2 кг вазнга эга экани ойдинлашди.