05 сен 13:43
Янгиликлар

Бокс/ММА

Адесанья - Стрикленд тўқнашуви учун захира жангчиси тасдиқланди

Хабарингиз бор, 9 сентябрь куни Австралиянинг Сидней шаҳрида навбатдаги рақамланган UFC турнири бўлиб ўтади.

UFC 293 турнирининг марказий жанги ўрта вазн тоифасида амалдаги чемпион Исраэль Адесанья ҳамда даъвогар Шон Стрикленд ўртасида ўтказилади. UFC расмийлари ушбу жанг учун захира вариантини тасдиқлашди. Ўрта вазнлилар рейтингида учинчи ўринни эгаллаб турган Жаред Каннонир жароҳат олган ёки вазн қила олмаган жангчининг ўрнига октагонга кўтарилади.

Эслатиб ўтамиз, ўтган йилнинг июль ойида Жаред Каннонир Исраэль Адесаньянинг чемпионлик камарини тортиб олиш учун уриниб кўрган эди. Лекин нигериялик чемпион якунда очколар ҳисобига кўра ғалаба қозонганди. Шундан кейин 39 ёшли америкалик иккита жангда зафар қучди. У Шон Стрикленд ва Марвин Ветторидан устун келди.