Афғонистонлик ММАчига ўқ узилди ва пичоқланди. У эртага жанг қилиши лозим эди

У Россиянинг ACB ва Fight Nights промоушенлари томонидан ташкил қилинадиган жангларда иштирок этади. Аҳмад 8 та жангда иштирок этиб, уларнинг 7 тасида ғалаба қозонган. 1 тагина баҳсда имкониятни бой бериб қўйган.

У эртага Москвада россиялик Максим Шекинга қарши жанг қилиши керак эди. Сўнгги 5 ой ичида у Виржиньяда машғулотлар олиб борди. Ўтган ҳафта эса Қобулга қайтиб, ўша ердан Москвага жўнаб кетмоқчи эди. Аммо, жангга бир неча кун қолганда унга ҳужум қилишди.

Соат тахминан 23:00 лар орасида уйга қайтаётган Хотакнинг йўлини беш киши тўсади. Аввалига унинг машинасига қарата ўқ узишади. Кейин эса уни машина салонидан чиқариб, бошига ва қорнига пичок билан зарба беришди. Шундан сўнг зўравонлар воқеа жойидан яширинишади.

Қонга беланган Хотакни қариндошлари машинаси олдидан топиб оладилар. Шу ондаёқ тез ёрдам чақирилади. Ҳозир унинг ҳолати яхшиланган.

"Афғонистон мен билан фаҳрланиши учун қайтаман. Яна жанг қиламан ва ўз ватани учун сўнгги қони тўкилгунга қадар курашиш қандай бўлишини кўрсатиб қўяман", - деди Аҳмад.