28 окт 12:24
Янгиликлар

Бокс/ММА

Афсоналар жанги 2: Пакьяо - Мейвезер реванш жанги ўтказилади + ФОТО

Саккиз вазн тоифасида собиқ жаҳон чемпиони, филиппинлик 46 ёшли Мэнни Пакьяо беш вазнда собиқ жаҳон чемпиони, америкалик 48 яшар Флойд Мейвезерга қарши реванш жангини ўтказиши мумкин.

Бу ҳақда The Ring журналининг америкалик нуфузли инсайдери Майк Копингер маълум қилди.

Маълумотларга кўра, ҳозирда томонлар музокараларни бошлашган. Бундан ташқари, жангни Netflix’да трансляция қилиш имконияти ҳам кўриб чиқилмоқда.

Эслатиб ўтамиз, Флойд ва Мэнни ўртасидаги биринчи жанг 2015 йилнинг 2 май куни Лас-Вегас (Невада штати, АҚШ) шаҳрида бўлиб ўтган эди. Жанг тўлиқ 12 раунд давом этган ва ҳакамларнинг якдил қарори билан кичик Мейвезернинг ғалабаси билан якунланган эди.