01 мар 14:42
Янгиликлар

Теннис

Акапулько. Донна Векич ярим финалда!

Хорватиялик теннисчи Донна Векич Акапулькодаги турнирда ярим финал йўлланмасини қўлга киритди.

Дунёнинг 28-ракеткаси чорак финал учрашувида британиялик Йоханна Контага қарши кортга чиқди. Бир соату 26 дақиқа давом этган баҳсда 22 ёшли Донна 6/3, 7/5 ҳисобида ғалаба қозонди.

Икки теннисчи ўртасидаги ўзаро учрашувлардаги ҳисоб тенглашди - 3:3. Энди Векич Abierto Mexicano TELCEL турнирининг ярим финалида хитойлик Яфань Ванга қарши баҳс олиб боради. Ван 1/4 финалда бразилиялик Беатрис Хаддад-Майядан 6/3, 6/4 ҳисобида устун келган.