22 дек 09:21
Янгиликлар

Теннис

Албина Хабибулина Мумбай турнири ғолибига айланди

Ҳиндистоннинг Нави Мумбай шаҳрида ўтказилаётган теннис бўйича “Фьючерс” туркумига кирувчи турнир ўз якуни сари яқинлашмоқда.

Мусобақанинг жуфтликлар баҳсида ҳамюртимиз Албина Хабибулина муваффақиятли тарзда иштирок этди. Россиялик Екатерина Яшина билан иккинчи рақамли жуфтликни ҳосил қилган Албина турнир чемпионига айланди.

Албина ва Екатерина ҳал қилувчи финал учрашувида туркиялик Берфу Ченгиз ҳамда индонезиялик Жесси Ромпиесдан иборат турнирнинг учинчи рақамли жуфтлигини 6:2, 6:1 ҳисобида мағлуб этиб, Нави Мумбай турнири бош мукофотини қўлга киритишди.